Isa sa mga iniidolo ko sa Pinoy Blogosphere e ang Kumpareng Buraot ko na kasalukuyang naninirahan sa kaharian ng mga bats. Oo sosyal kasi siya andun sa siya sa Bat Kingdom ngayon! Nung una kong nakilala yun nung isang taon, ang akala ko dun isang astig na punumpuno ng tattoo mula Tondo! Di kalaunan nakilala ko ang loko at isa rin palang Bruha! lol joke lang takot ko lang dun sa Kumag na yun! Wak ka maengay baka mabasa nya eto lol!

Mula ng makilala ko ang Ka Buraot, laking tuwa ko sa Kutong Lupang yun (wak maengay ha) lol. Kasi ba naman lagi akong extra sa karamihan ng mga post ng lokong yun! Extra dun extra dito! Sabagay mahilig kasi sa extra service yun jowk! lol Dami daming post nya ang nagbigay kahulugan sa buhay ko. Nung una nga akala ko merong lihim na pagtingin ang Lolo sa akin! Kasi lagi akong special mention sa blog nya eh (hihihi ang ganda ko kasi) lols. Hehehe ang totoo nyan napakabait palang tao nito. Marunong magbigay pugay sa mga nakakabata sa kanya hehe. Seriously, marunong ang taong ito na magpasalamat kahit hindi dapat. Kaya tingnan nyo naman nagpakontest ng sandamukal ang premyo! Marunong magshare ng blessings talaga! Hanep di ba?

Katunayan di ko makakalimutan ang ginawa nyang post at binigyan ako ng XXX Award! Ibig sabihin Extraordinary Blogger Award! Na touch talaga ako tagos buto sa binigay nyang papuri sa akin! Mula noon naging kaututang dila ko na itong si Ka Buraot!

Oo nga pala kaya ako nagsusulat tungkol kay Ka Buraot e sumasali ako sa pakontest nyang Sikatchupoy si BURAOT Contest! Ito na ata ang pinaka sosyal na contest na nakita ko sa buong buhay ng pagba blog ko! Kabog ang magkapatid na John Cow Chow Carabao dito! Lubos lubos ang pasasalamat ko kay Ka Buraot dahil sa wakas magkakaroon na ako ng pamasko sa lahat ng mga inaanak kong mga nagbinata’t dalaga na ngayon! Actually first time ko silang makikita pag nagkataon! Di naman obvious nagtago ako no? bwahahaha. Uy busy lang ang Ninong nyo! Bisi-bisihan! lol.

Tsaka pangarap ko kasing bumil ng bagong celpone! Kung hindi mo nalalaman hanggang ngayon Nokia 3310 pa din ang gamit ko, tapos baterya ng kotse ang gamit ko! Sosyalin naman kahit paano kasi me bluetooth na din yun at 5 Megapixels na cam! E kaso sawa na ako eh kaya kelangang magpalit. Pamasko ko na sa sarili ko yun! Kaya Ka Buraot, ehem ehem wish ko lang sabi nga ni Ate Bernandet Sembrano ba yun? hehehe

Ang pagkakakilala ko kay Ka Buraot ay isang pagkakataon. Yung pagkakataon na hindi ko na maalala kung kelan. Majonda na kasi ang lolo mo bwahaha. Pero alam mo ba ang pagkakataong yun ay laking pasasalamat ko dahil isa si Ka Buraot sa iilan-ilang mga Pinoy Bloggers na merong Humor Blog. Hanga ako dahil hindi ganoon kadali ang magpatawa sa pagsulat. Talaga namang sagot sa kalungkutan ang blog nyang www.anaknikulapo.com at sagot sa kahirapan ang mga papremyong ipamimigay nya!

Grand Prize:
1. 3,000 entrecard credits at
2. Pumili ng isa sa mga sumusunod:
a. Three hundred dollars,
b. Tatlong daang dolyares,
c. Tres syentos estados unidos dolyares, o
d. Tatlong plastic balloon (used)

Second Prize:
1. 1, 000 entrecard credits at
2. Pumili sa mga sumusonod:
a. One hundred dollars,
b. One hundred pesos,
c. Isang daang baku-bako, o
d. None op da above

Third Prize:
1. 500 entrecard credits at
2. Pumili sa mga sumusunod:
a. Fifty dollars,
b. Singkwenta pesos,
c. Limampung pirasong sinkong kulot, o
d. Tenkyu mula kay BURAOT

O di ba ang laki-laki ng mga premyo? Nung una kong mabasa ito maryosep di ako makapaniwala sa sobrang laki ng mga premyo! Kinausap ko ang Ka Buraot agad-agad para iconfirm baka kasi nagdedeliryo ang Lolo! Paksyet totoo nga talaga! Kaya eto habol ako kahit sobrang busy ko sa galaan hanap ako libreng Wi-Fi! Dito ako Subic nagbabakasyon pero naalala ko November 30 na pala! Buraot Day na pala!

Me oras ka pa sali na!